يامسندي ياخــوي ياطيـب الفال

يامسندي ياخــوي ياطيـب الفال
يابوح شـعـري لاطوتني الليالي
هذا قصـيدي والقلم يشـكي الحال
يكـتب معاناتي وكل ما جرالي
اشتقت لك ياخـوي الصمـت قتال
ياكيف حالك رد لي في سؤالي
ياخوي اشوفك في حيـاتي الامال
ترسم معي بسـمات في قلب غالي
وسوالف الماضي وذكرى بالافعال
بقـت هـنا ذكـري لأخر مجالي
وضحكاتنا وعلومنا صوت موال
واللي بعد باقي من اول وتالي
بدموعنا ننسي عزانا بفعال
وبعزومنا نرفعه هممنا لعالي
ي مسندي تبقي لي العز والمال
ويفداك مالي وكل شي بقالي
تبقي ولو عمري بعد بزمن طال
غالي وتسوي روح روحي ومالي

الله يرحمك ياخوي ويسكنك الجنه . الله يجمعني معاك في جنة الخلد ..